فى الطريق إلى كأس العالم 2010

بما إنى من المحظوظين اللى شافوا مصر فى كأس العالم 1990 فى إيطاليا فأنا باتمنى اشوفها تانى فى كأس العالم من ساعتها
وبما إن مصر كانت قربت من بوابة كأس العالم 2010 فانا باكتب اللى جاى ده

فى تصفيات كأس العالم 2010 مصر كانت إحدى دول المجموعة التى ضمت (الجزائر - زامبيا - مصر - رواندا) وكان باين قبل التصفيات ما تبتدى ان المجموعة فيها 3 فرق قوية بإستثناء رواندا لأنها معدومة الإنجازات تقريباً فى كرة القدم

كان أول لقاءات مصر فى التصفيات على أرضنا ضد زامبيا أضعف فرق المجموعة وطبعاً كلنا قلنا اننا الحمد لله ضمنا أول 3 نقاط لكن كانت أول فضيحة لينا بالتعادل مع زامبيا على أرضنا 0/0 ثم كان اللقاء الثانى مع الجزائر فى الجزائر واللى كان أكبر فضايحنا بعد الهزيمة 1/3 من الجزائر والجول اللى جالنا على يد (محمد أبو تريكة) حتى كان جه بالبركة بعد ما الكرة كانت انفراد وشاطها أبو تريكة خبطت فى الحرس وردت خبطت فى أبوتريكة وخبطت تانى فى الحارس ثم ابو تريكة وعدت من الحارس عشان يلاقيها محمد ابو تريكة قدامه هدية ويحط الجول الوحيد لينا هناك
وبعد المباراة بصينا على شكل المجموعة لقينا الجزائر فازت على رواندا فى الجزائر وبعدها فازت على زامبيا فى زامبيا وبالتالى كان شكل المجموعة تقريباً واضح فيه ان الجزائر هى الأول وبفارق كبير وان املنا خلاص راح

لكن يشاء ربنا - سبحانه وتعالى - اننا فى اللقاء الثالث نكسب رواندا فى مصر 1/0 وبعدين نكسبها فى رواندا 4/1 بينما تتعادل الجزائر مع رواندا فى رواندا وتكسب زامبيا فى الجزائر وتبقى 13 نقطة ومصر تكسب زامبيا فى زامبيا 1/0 عشان تبقى 10 نقاط ويتفضلها ماتش واحد مع الجزائر فى مصر لو فازت فيه تبقى متساوية مع الجزائر فى النقاط والأهداف (قدراً) وبالفعل تم لقاء مصر والجزائر 14/11/2009 فى القاهرة وفازت مصر 2/0 لتكون مساوية للجزائر بهدف (عمرو زكى) فى الدقيقة الثالثة من الشوط الأول وهدف (عماد متعب) فى الدقيقة الثالثة من الوقت بدل الضائع فى الشوط الثانى وتتم مباراة فاصلة بينهم فى السودان يوم 18/11/2009 اللى يفوز فيها يدخل كأس العالم 2010

وكلنا كنا بنتمنى ان زى ما الجزائر كانت بوابتنا لكأس العالم 1990 لما فزنا عليها 1/0 بهدف (حسام حسن) ان التاريخ يعيد نفسه ونفوز عليهم لكن......... وآه من لكن يشاء ربنا زى ما كسبنا بفضله فى مصر 2/0 اننا فى السودان تجيلنا فرص أسها بكتير ومتجيش بينما هما من فرصة لمدافع من داخل المنطقة بتاعتنا يشوط الكرة زى المدفع بدون أى حرفنة وتدخل مع ذلك الكرة وتخرج المباراة 1/0 لصالح الجزائر لكى تتأهل الجزائر إلى كأس العالم 2010 على حسابنا

ومن بعد انتهاء احداث المباراة يفاجئ كل المصريين بالعصابات الجزائرية وأوغاد الجزائر اللى كانوا مستنيين اللقاء يخلص عشان يبدأوا الهجوم على كل من هو مصرى فى الشارع سواء من الجمهور العادى أو من رموز الفن والأدب والرياضة وعلى مدار 3 أيام بعد المباراة كل أخبار مصر تلتف حول أفعال الجزائريين البربر المتخلفين فى المصريين وشكاوى من الجمهور العادى ومن فنانين مصر ضد ما حدث لهم فى السودان من انتهاكات وتحرشات وحتى السيد / علاء مبارك ابن رئيس جمهوريتنا يتصل بأحد البرامج الرياضية وكله انفعال ضد ما حدث

ويتغير حلم ال 80 مليون لكى ينحصر فى محاولة إخراج الجزائر من كأس العالم 2010 عن طريق تقديم ملف قوى للفيفا يحتوى على المخالفات التى حدثت من المشجعين الجزائريين حتى يمكن للفيفا من إقصاء الجزائر عن كأس العالم

يا سلام لو اتوفقنا فى ده مع ان الأمل ضعيف جداً ... لكنه موجود طول ما ربنا موجود