Enough Problems

in the past 02 weeks I really had enough problems with my job,
Arab Olympic Games 11~22NOV destroyed all hotels with its big numbers that made it difficult for any group to find space in Cairo and all Egypt as well.
one airport representative lost 05 tickets for the international departure of a group and we had to re-issue new tickets which cost 23500LE
the same airport representative on the following week didn't confirm the international tickets and at airport we found that our agent cancelled these tickets and there's no space on the aircraft for the group.
we have paid for a hotel "PYRAMIDS VIEW" full amount for a group then we changed the hotel and the old hotel didn't accept to keep the money as credit.
one group complained from "CATARACT" hotel so we had to change the hotel and since we have paid 80% of the full amount hotel also didn't pay back the amount.
3100$ was stolen from me on last Rhamadan.
aaaaaaaaaaaaaaaaaaaaah....I am going crazy

أحلام حقيقية

مش انا امبارح وبعد انتظار الفيلم ده سنتين أخيرا رحت مع (شهاب) فيلم أحلام حقيقية

انا اتصدمت

واضح ان دايما الحاجة اللى بيتعملها دعاية جامدة والناس تفضل قاعدة مستنياها فترة طويلة بتطلع أى كلام

زى بالضبط ما حصل لما الناس فضلت مستنية ألبوم (عمرو دياب) سنة 1998 بعد ما خد جايزة مونت كارلو عن (نور العين) وفضلنا مستنيين الكلام الجامد وبعدين اتفاجأنا بالبوم (عودونى) العادى جدا واللى انا شخصيا باعتبره من أسوأ البومات (عمرو دياب) وكذلك زى ما الناس فضلت مستنية مسلسل (فارس بلا جواد) بتاع الأستاذ (محمد صبحى) بعد الدعاية الرهيبة والتشويق الجامد ويطلع المسلسل عادى جدا ومفيهوش أى حاجة من التشويق اللى كنا منظرينه

ما علينا

أحلام حقيقية بيحكى عن إن (حنان ترك) اللى كانت بتحب (فتحى عبد الوهاب) واتجوزت (خالد صالح) بتحلم بجرايم قتل هى اللى بتنفذها وبتصحى تلاقى الجرايم تمت بالفعل ولأن (فتحى عبد الوهاب) مفتش مباحث وبيكرهها عشان ماتجوزوش نفسه يثبت عليها الجرايم دى ولكن (خالد صالح) زوجها بمساعدة (داليا البحيرى) صديقتها الأنتيم القريبة منها قوى بيساعدوها على البراءة وبيروحوا لخبيرة فى الطب النفسى (ماجدة الخطيب) عشان يفهموا تفسير للى بيحصل فالدكتورة بتعرفهم ان الناس القريبين من بعض ممكن يحصل بينهم توارد خواطر يؤدى لشعور واحد منهم باللى التانى بيعمله فى لحظة حدوثه وفى نفس الليلة بتموت الدكتورة وبيحقق نفس مفتش المباحث فى قضيتها بيتوصل هو للحقيقة فى نفس الوقت اللى كانت (حنان ترك)هتنتحر عشان تخلص من اللى هى فيه ولكنها بتفهم الحقيقة واللى هى عقدة الفيلم مبنية عليها إن (داليا البحيرى) هى القاتل الحقيقى و(حنان ترك) بتشوف الجرايم فى توارد خواطر معاها نظرا لقربهم من بعض

التصوير والتمثيل حلوين جدا والإخراج مقبول جدا لكن الموسيقى التصويرية مملة جدا إلى جانب الملل الرئيسى من طول رتابة الأحداث والفرش للنهاية اللى لا تتعدى 5 دقايق وقاعدين يفرشولها حوالى ساعة ونص

ياللا ...عموما هى مش أول ولا هتكون آخر مرة الواحد يتخم فيها كده

رمضـــــــــــــــــــــان جــــــــــــــــانـــــــــــــــــــــا

(إذا جاء رمضان ...فتحت أبواب الجنة...وأغلقت أبواب النار...وأزلفت الشياطين)

(ليلة القدر خير من ألف شهر)

(كان الرسول إذا قارب شهر رمضان أكثر من دعاء واحد: اللهم بلغنا رمضان)

(لو علم الناس فضل شهر رمضان لتمنوا أن تكون السنة كلها رمضان)

(خاب وخسر...خاب وخسر...خاب وخسر....من أدركه رمضان ولم تغفر كل ذنوبه)

(رمضان إلى رمضان...مكفر لما بينهم)

كل ده كلام اتقال فى فضل شهر رمضان وانا لا اعتقد انه محتاج حتى لشرح أو تفصيل لأنه كله واضح ومبين قد ايه الشهر ده مينفعش يعدى كده بالساهل زى أى شهر غيره...الناس فى مصر فى رمضان تلاقيهم راكبين المواصلات وكل واحد تقريبا - من المسلمين طبعا- فى إيده مصحف ومعظم الناس مشغله قرآن كريم فى عربياتهم وساعة الفطار كل الناس قاعدة ساكتة وموائد الرحمن مليانة وغيره وغيره من الطقوس اللى بتميز رمضان عن بالقى الأشهر فى السنة الهجرية

التليفزيون بقة فى رمضان كأنه بينقل إرسال من كوكب تانى مفيهوش رمضان...تلاقى قبل الفطار فترة شغل الموظفين جايب حاجات رخمة أو بيعيد اللى كان جايبه الليلة اللى قبلها وبعد ميعاد رجوع الموظفين تلاقيه يا إما جايب الأفلام اللى الناس ريقها بينشف على ان التليفزيون يعرضها طول السنة يا إما جايب الأفلام اللى أحداثها تقريبا كلها بنات لابسة مايوهات وبعد الفطار خد عندك مسلسلات لحد ما تنام وانت بتتفرج والمسلسلات لعلمك هتبقى لسه مخلصتش

الجوامع فى رمضان زى ما يكون الأئمة بتوعها بينتقموا من الناس فى الصلاة ...طبعا كلنا عارفين ان بعد صلاة العشاء فيه صلاة التراويح واللى بتكون من 4 إلى 20 ركعة فى اليوم لكن فى المنطقة بتاعتى معظم الجوامع متفقة انها تكون 8 ركعات إلى جانب ركعتى الشفع وركعة الوتر....المهم...ييجى الإمام ويروح رازع الجزء كله فى الركعات الثمانية بمعدل ربع حزب فى الركعة بس المشكلة مش فى كده وانما المشكلة انه شايف نفسه صوته حلو وجميل وبيقسم مع ان الناس معظمها بيبقوا نايميين وراه أو بيهرشوا أو بيبصوا على حاجة...وهكذا

اللى انا عايز اقوله هنا أولا ان اللى عايز يطول فى القراءة لازم يكون متأكد ان صوته مميز وممتع مش مجرد بيقرأ وخلاص إلى جانب انه لازم يكون عنده حاسة فى تغيير نبرات صوته والإطالة أو التقصير وكل ما هو يشد المستمع ويخليه على طول صاحى معاه

ثانيا اللى فاكر نفسه منهم بيعود الناس على الوقفة فى الجامع والصلاة فيه...أحب اقوله ان سيادتك اللى بيصلى التراويح غالبا هو اللى أساسا برة رمضان بيصلى فى الجامع فهو مش محتاج ده والنسبة البسيطة اللى بتستنى لصلاة التراويح فى المسجدوهى بره رمضان مبتصليش فيه - أو مبتصليش خالص- دول مش هيتعودوا على وقفة الجامع دول ح يزهقوا مع أول ركعتين هيسلموا ويمشوا

ولذلك نرجو منهم الرأفة فى اللى جاى يصلى

وعموما لو الواحد يقدر يخلص فى العبادة في رمضان...والله يبقى كسب كتير جدا وربنا يوفقنا جميعا لما يحبه ويرضاه

I really wonder in most of time what is the true love?? I've spoken about that before in my othe blog...http://marwan-korean.blogspot.com...but still I'm dreaming of a very special kind of love...that maybe not exist with the tradition of my country.

love is a very sweet feeling that tickle one's heart when it starts but then always comes the facts of life to change one's mind and openion about love...okay I admit I am a very strange person that may look like very happy when he is sad and always careless no matter what happens in his life...sometimes colder than a fridge but at the mean time hot as an oven, always looking for the hardest stuff and never feel he is successful; but I think that nobody will say that I like to hurt or that I am bad because really this is my nature to be good...always like the best for everybody specially those who love me truelly as family or friends or emotional love, whatever......

most of the time I feel like going around an endless circle that stuck me to the same old way and never to be changed...but believe me I feel in the this year that I was changed alot in my person

done things that I thought I won't do it again...started to act like I've never act before...

hello everybody, care for me the way I do for you and you'll find me the best you can get as a firend or as any position you want me to be

love life and think about the full half of the cup and forget about the other half...it will never be filled

Marwan

ماذا تحتاج مصر لتتقدم

كانت مصر منذ بداية الحضارة الإنسانية ذات شأن لا يمكن إهماله إن لم تكن هى صاحبة الصدارة فى العالم ولكن لماذا لم نعد كذلك ولا نصفه ولاربعه ولا ثمنه والله يا عم ولا حتى 1% منه

وده لأن مصر بقى فيها شعب غريب الشكل والمضمون وعلشان يرجع على الأقل يبقى فى الطريق السليم من وجهة نظرى لازم شوية الحاجات دى تحصل

لازم السائقين تلتزم بالطريق الصحيح والطريقة الصحيحة فى القيادة

لازم الشرطة تفهم إن مفهوم (الشعب فى خدمة الشرطة) عمره ما كان موجود لا فى مصر ولا فى أى حتة تانية

لازم الناس تفهم إن مش معنى إنى عملت شغلى مضبوط يبقى لازم استنى مكافأة لأن الطبيعى إن الشغل يتنفذ صح ومعنى المكافأة إن الشخص قام بمجهود أو عمل غير طبيعى

لازم الناس تفكر إننا هنتحاسب على كل قرش كسبناه فاحنامش ناخد فلوس وخلاص لأ لازم نحس ان الفلوس اللى بناخدها دى نستحقها

لازم نفهم الفرق بين البقشيش والرشوة ودى من أهم النقط اللى مبهدلة البلد

لازم نفهم نجاح الدول اللى نجحت كان نتيجة سياسة ناجحة مش نتيجة شخص ناجح وانا هنا مش بقصد سياسة دولة ولكن باقصد نجاح اى مؤسسة او منشأة او حتى مدرسة او اى مكان

لازم الطالب يتعلم التربية مع التعليم مش مجرد حشو فى الدماغ وخلاص

لازم اللى بيرتكب غلطة يتعاقب عليها أيا كان اللى عملها مركزه أو فلوسه أو طبيعة عمله أو....كل الناس

لازم الأطفال والطلبة كلهم فى الحقيقة مش الأطفال بس لازم كلهم تتغير طريقة تعليمهم بحيث متبقاش المواد الدراسية حشو فى الدماغ -لامؤاخذة فى التعبير- بنروح نطرشه فى ورقة الإجابة وبعد كده ننساه لا بالعكس لازم نحبه لدرجة تخلينا نفضل فاكرينه ونستفيد منه إلى ابعد حد فى حياتنا الشخصية

لازم الناس تفهم ان ربنا متطلع علينا فى كل اللى بنعمله فياريت نعمل شغلنا بذمة شوية

وطبعا لازم الناس تفهم الغرض من الفلوس انها تعيشنى فى حالة مرضية مش الغرض من الحياة والعيشة انى افضل اجمع فلوس وخلاص...طب بالأمانة اسأل نفسك أو إسألى نفسك سؤال وخليك صريح فى إجابته: لو فضلت عايش بلم واجمع الفلوس لحد ما اموت..مين اللى هيعرف قيمة الفلوس ويستمتع بيها؟ انا ولا اللى هياخدها بعدى؟ يمكن الرد يخليك تفهم انا أقصد ايه بالنقطة دى

فيه حاجة حصلت امبارح اللى هو 29/07/2007 فكرتنى بحاجة لازم اكتبها وكنت ناسيها...انا مش هاقول اللى حصل لكن هادخل فى النقطة على طول....لازم نحترم المواعيد اللى بيننا والكلمة اللى بتخرج من بقنا بمعنى لما أبقى مش هأقدر أشوفك لازم اكون راجل واقولك مش هاقدر اشوفك مش اقعد اقولك طب هتأخر ساعة طب نص ساعة وحاجات من اللى تحرق الدم دى لحد ما فى الآخر اقولك معلش الوقت اتأخر وخليها يوم تانى...طب هو انا هأقتلك لو قولتلى من الأول انى مش هينفع النهاردة أشوفك....يا جماعة الراجل فى مصر مبقاش فاضله حاجة تثبت رجولته غير كلمته بجد بلاش نيجى على دى كمان

وفيه حاجات تانية كتير بس انا الحقيقة مش عايز اتطرق لمواضيع دينية او سياسية او اقتصادية عشان الموضوع ميوسعش منى قوى ومزعلش حد منى لكن والله الكلام اللى فات ده لو اتعمل بيه ممكن نتغير جدا

أغانى عاجبانى

دمعتين: ودى أغنية من كلمات أيمن بهجت قمر وألحان رياض الهمشرى وغناء محمد فؤاد

النهاردة كنت جايلك...جاى أعوض وقت فات
كنت جاى يا حبيبتى أقولك...صحى إحساسنا اللى مات
خدتلك قلبى ومشيتلك...فوق سنين بعد وحنين
شلت كام حلم ف عيونى...لسة ليكى مشتاقين
خدنى شوقى عند بابك...جاى دايب من غيابك...واللى شفته شيئ حزين
شفت إيدك حاضنة إيده...شفت جوة عينيكى عيده...شفت ناس متجمعين
ناس تهنى وناس تغنى...واللى رد عليكى منى...دمعتين

العمر : ودى أغنية مسلسل أرابيسك ومن كلمات الشاعر الجامد جدا: سيد حجاب ومن ألحان الموسيقار: عمار الشريعىوغناء حسن فؤاد

ويرفرف العمر الجميل الحنون...ويفر ويفرفر بلفة قانون
وندور نلف مابين حقيقة وظنون...وبين قسا هفهاف وهفة جنون
دنياك سكك حافظ على مسلكك...وانفد بجلدك لالعلل تمسكك
وتقع فى خية تملكك تهلكك...أهلك يا تهلك ده انت بالناس تكون
إن درت ظهرك للزمن يتركك...لكن سنابك مهرته تفركك
وإن درت وشك للحياة تسبكك...والخير يجيك بالكوم وهمك يهون

ع البحر: ودى أغنية كلمات: أيمن بهجت قمر وألحان: حسن دنيا وغناء مصطفى قمر

ع البحر كان الناس كتار تخت الشماسى المفرودين
متجمعين مستنيين الشمس لما تروح تغيب
قصر الكلام...انا كنت واحد م اللى قاعدين حايرانين ع البحر
فجأة التقيت الموج بيعلى وخفت أنا
ايه اللى خلى الموج يثور ويدلنا
قربت م الشط التقيت الموج حدف
صندوق كبير بفتح لقيت جواه صدف
بين الصدف قلبى اتخطف لما التقيت
صورة حبيبتى اللى الزمن فرقنا يوم عن بعضنا...وده من سنين
مش هو ده البحر اللى علمنا الغنا
وفحضنه عشنا انا وحبيبتى سنين هنا
معقولة ده البحر اللى كان بيضمنا
معقولة خد أجمل سنين من عمرنا
ماهو للأسف خاننى وخطف من بين إيديه حبيبتى
والموج شدها لكنه فاتلى منها صورة وحنين...وده من سنين

أول عربية فى حياتى

بعد ما لم يحدث نصيب فى الخطوبة اتجهت للتفكير الخاطئ وهو العند مع نفسى فوافقت أخويا شهـــــاب على اننا نشترى عربية وفعلا بدأنا ندور عن عربية لحد ما كنت بتكلم مع أيمــــــن وعرفت أن أبوه عايز يبيع العربية بتاعته....وبالفعل اتفقنا مع ابو أيمن واشترينا العربية بتاعته نيســــان صنـــــى 1999 والكلام ده كان فى 18/12/2006 وبعد 3 شهور بدأت مشاكل العربية المستعملة تبان ولكن مش دى المشكلة

المشكلة الحقيقية كانت فى الحوادث

ناس تقولك: دى واخدة عين .....ادبح عليها ان شالله أرنب أو فرخة. وناس تقولك: ابقى خلى بالك من المشاكل والسواقة فى مصر دى أصلها بنت كذا وكذا. وناس وناس ....وهكذا

العربية دى ساعة ما اشتريناها مكنش فى الأسرة الكريمة غير اثنين بيعرفوا يسوقوا: السيد الوالد والعبد لله ونظرا لظروفنا فكنت انا الوحيد اللى بيستخدم العربية

علشان مبقاش انانى ولا عيل كان لازم احاول تعليم اخواتى السواقة على الأقل اللى عايز يتعلم منهم وبالفعل لأن شهــــــــاب و رامـــــــــــى عندهم فكرة مسبقة قدروا يتعلموا السواقة بسرعة وان تميز شهـــــــــاب اكتر بظرا لأنه الأكبر ولأن رامــــــى بيخاف شوية وهو سايق لكنه برضة بيعرف الحمد لله دلوقتى

المهم عشان مطولش علي نفسى على الرغم من أن اخواتى حديثى التعلم وبابا مبيسوقش غير كل حين ومين إلا ان كل الحوادث اللى حصلت فى العربية كانت منى انا.....خرشمتها.....على رأى أحمد حلمى الممثل قطعت أمها....أول مرة كان كوستر شرطة خبطنى من الخلف لأنى فرملت فجأة (بس والله أنا فرملت لأن اللى قدامى فرمل فجأة وكنت هلبس فيه) لكن المهم النتيجة وهى ان الظهر اتطبق وشكلها بقى معفن ورغم ان الخبطة مكنتش جامدة إلا ان العربية بقى شكلها معفن من ورا....صدقونى مش غلطتى....المرة الثانية كنت راكن وقاعد فى العربية وكان فى واحدة ست كبيرة خارجة من ناى القضاه راكبة (بى ام الفئة الخامسة) المهم راحت خارجة ومش شايفة فحكت جنب العربية كله من اليمين ولما جيت اكلمها قالتلى انا لمستهالك خالص!!!!حسبى الله ونعم الوكيل....صدقونى مش غلطتى....المرة الثالثة كنت رايح اجيب خالى (مستر كيـــــم)بس ده الإسم الحركى من المطار وانا عند بيت الريس - الله يطولنا فى عمره- وقفت الإشارة فجأة وكان قدامى عربية حمراء 128 فيات وحاولت احود منها لقيت اليمين والشمال عربيت جاية بسرعة فدخلت زى مانا وعلى الرغم ان الخبطة مكنتش جامدة فيه إلا انها بوظت الوش كله....صدقونى هو اللى وقف فجأة.....المرة الرابعة كانت على الدائرى بتاع السلام وكمنت رايح أودى خالى من أكتوبر للمطار وطبعا عرفتوا انه مش خالى فعلا ده اسمه الحركى المهم العجلة اليمين ورا نامت وانا ع الطريق ولقيت العربية بتحدف شمال على مقطورة ماشية جنبى فاضطريت اعكس العجل كله يمين واترزعت فى الرصيف وبعدين قدرت اسيطر عليها والحمد لله لكن دى كانت نهاية الكاوتشين اليمين والجنوط بتاعتهم وده طبعا غير ترصيص وضبط زوايا واتزان.....بس صدقونى العجلة نامت وحدفت فجأة طب اعمل اي؟!!!المرة الأخيرة إلى الآن كنت داخل احط بنزين وملقتش البنزين اللى بستعمله فخرجت ولأن الشارع اتجاه واحد ولأن كان فيه 2 تاكسي ماشيين بسرعة كنت باصص ناحيتهم واذا بميكروباص جا عكسى وبسرعة لأ وإيه بإكصدام حديد دخل فى منتصف المقدمة وهشم الكبوت كله والريدياتير والسربنتينة (دى اللى هى المكثف بتاع التكييف) وحاجات تانية واهى العربية دلوقتى مرمية عند السمكرى وقاللى هستلمها بعد عشرين يوم ومش هدفع طبعا اقل من 3000 جنيه لأن السيد الوالد - ربنا يكرمه- قال للراجل اعملهالنا كلها بقة من قدام والجناب وورا كله من غير ما يرجعلى واتدبست والحمد لله

ايييييييييييييييييييه!!!! تفتكروا بعد كدة مفيش حاجة تانى هتحصل....انا عن نفسى مفتكرش لكن العربية دى اصبحت مصدر تشاؤم لكل الأسرة ....انتوا متخيلين فى سبع شهور خمس حوادث اتنين منهم قاتلة

الحمد لله وللحديث بقية

أعمـــــال فنية من كلية السياحة

فى خلال الأربع سنوات اللاتى قضيتهن فى كلية السياحة والفنادق جامعة حلوان إشتركت فى معظم نشاطات الكلية الفنية

التمثيـــــــــــل

إشتركت فى التمثيل فى المسرحيات التالية

المسرحيـــــــــــة: تأليف وإخراج:- خــــــالد الشربينــــــــى

إنتصـــــــار الإنكســــــار: تأليف وإخراج:- خـــــــالد الشربينـــــــــــى

صـــــــرخــــــــــــة: تأليف وإخراج:- خـــــــــالد الشربينــــــــى

المــــواطــــن مهــــــــــرى: تأليف:- وليــــــــد يوســـــف إخراج:- يحيــــــــى ذكــــــــى

التقليــــد أو المحـــاكـــاة

قدمت عروض هزلية لمحاكاة وتقليد الفنانين من الممثلين والمغنيين وكان أهمها تقليد لبرنامج رئيس التحرير والتى كانت أنجح ما قدمت من الفقرات الكوميدية

الغنــــــــــــــــــــاء

كذلك إشتركت فى فريق الكورال وقدمنا أغنيات ناجحة من التراث وأهمها: الحلوة دى- موشح يا غريب الدار- طقطوقة شد الحزام

ولكن كان للفريق أغانيه الشبابية الطابع الخاصة به والتى تعددت ومنها

• الأغنية كلمات ألحان
• فلسطينى تامر محمد تميم محمود
• فيه حاجة فى قلبى تامر محمد محمد صادق
• قلبى مشتاقلك مروان يحيى مروان يحيى
• طاوع قلبك تامر محمد مروان يحيى
• أتملى منك تامر محمد مروان يحيى
• إتخيلتك حبيبتى تامر محمد دينا المرسى
• إحلم تامر محمد مروان يحيى
• عديت حدودك تامر محمد مروان يحيى
• حتة منك تامر محمد أحمد وجدى
• إسمعينى مروان يحيى مروان يحيى
• يا بختك بقلبك أحمد وجدى أحمد وجدى
• خمسة وخمسين سنة تامر محمد تميم محمود
• مليتى حبى محمود محمد مروان يحيى
• إحساسى بيكى تامر محمد مروان يحيى
• نسينى يا رب أسامة أحمد مروان يحيى
• لحظة وداع تامر محمد مروان يحيى
• خلاص حنيت مروان يحيى مروان يحيى
• مش قادرة أكمل مروان يحيى مروان يحيى
• خدتى منى الحب كله تامر محمد تميم محمود

وهى دى كل الحكاية وللحديث بقية,,,,

حميــــــــــــد الشـــــــــــاعرى

هو الملحن والموزع الموسيقى والمغنى حميــد الشـــاعرى

له كل الحق فى أن نتحدث عنه لما أسهمه فى تغيير لنمط وشكل الغناء منذ ظهوره

حمـيـــــد الشاعرى هو صاحب الفضل فى خروج نجوم هذا العصر من الغناء فهو الذى عمل كموزع موسيقى لهم وملحن فى أحيان أخرى لهم حتى صاروا نجوما منذ كان ذلك مع شركة الإنتاج -تقريبا- الوحيدة (سونـــــار) وموسيقى الجيل وخرج من تحت جلباب حميد فى هذا الوقت نجوم نذكر منهم: إيهــــاب توفيـــــق- مصطفــــى قمــــــر- حكيـــــــم- هشـــــام عبـــــــاس وغيرهم مما جعل حميد الشاعرى بحق رائد هذا الجيل وجعل نجم الجيل الأول فى هذا الوقت عمــــــــرو ديـــــــــــاب يلجأ للتعاون معه كموزع موسيقى وبالفعل أثمر تعاون النجمين على جائزة

world music award 1997 عن أغنية نور العين

خفت نجم حميد تدريجيا بظهور الجيل التالى من الموزعين مثل د/ طــــارق مدكـــــور- فهـــــــــد ولكنه لم ينتهى وظل يقيم أعمالا ناجحة وأخرج مطرب آخر هو هيثــــــم شـــــــاكر وأدخل إيقاع التانجو بشكل صريح لأول مرة فى أغنية يا واحشنىللفنانة مـــايـــــا نصــــــرى

إشترك حميـــد الشـــاعرى فى السينما مرتين الأولى فى 1996 فيلم قشــــــر البنـــــــدق والثانية فى 2006أيظــــــــــــن ولكن التجربة الثانية لم تحظى بنجاح التجربة الأولى

الذى يتابع الأغنية بالفعل يجد أن الفترة قبل ظهور حميد الشاعرى ساد فيها المغنيين الغير عربيين وانتشرت الأغانى الإنجليزية والفرنسية كثيرا حتى أتى حميــــــــد وقلب الموازيين بموسيقاه وعادت الصدارة فى الكاسيت للأغانى العربية ثم حدثت فى إحدى الفترات وقف لحميــــــد من قبل نقابة الفنانيين ومعها بالفعل عادت الأغانى الأجنبية للظهور بشكل واضح حتى عاد حميــــــــد للعمل وعادت معه الأغانى العربية مرة أخرى للظهور ولكننا لا ننكر فى هذه الفترة ظهور د/ طـــــارق مدكــــــور معه ودوره البارز فى تجديد الموسيقى العربية من جانب التوزيع الموسيقى

ولكن بالفعل سيمظل حميـــــد الشـــاعرى يمثل بالنسبة لى على الأقل رائد هذا الجيل

الناس اللى أثروا فى حياتى

فى حياة كل واحد منناناس أثرت فيه سواء بشكل مباشر أو غير مباشر , فى طريقة التفكير والكلام وهكذا

وأنا عن نفسى ناس كتير أثرت فيه يمكن فيهم ناس مأثرتش التأثير الكبير ولكن برضة يعتبر أثروا وهم:

شهاب يحيى (أخويا) وهو اللى علمنى أكون عندى ذوق فى اللبس وإختيار الألوان وأكون منظم ولو إنى متعلمتهاش قوى

مستر على (مدرس الإنجليزى فى أولى إعدادى) وهو اللى خلانى أحب اللغة دى وأكون متفوق فيها بجد ربنا يكرمه

مستر سعيد (مدرس الإنجليزى فى ثانيه إعدادى) وهو اللى علمنى إزاى أشرح الإنجليزى بشكل سهل

د/ نبيل فاروق (مؤلف روايات) وده بقة عبقرى فى وجهة نظرى فى التأليف واتعلمت منه الكتابة والتعبير واللغة العربية والخيال ومعلومات عامة كتيرة

مستر/ إيهاب عدلى (مدير الحركة فى إليجانت فوياج أول ما إشتغلت فيها) وهو اللى علمنى شغل المندوب ووثق فيه جدا لدرجة خلتنى أثق فى نفسى وإزاى أركز فى الشغل وأصلح الغلطات وأعامل العملاء

فريدة على عزت (زميلتى فى الكلية) واللى إتعلمت منها إزاى أخلى الناس تحبنى وأكون مهذب وأعرف أكون إبن بلد وأعرف فى نفس الوقت أكون إبن الطبقة الراقية وحاجات كتيرة تانية معظمها حلو جدا

مستر كيم جو وان (مديرى فى العمل من 2006 أكتوبر) ده بقة قصة تانية صعب أشرحها بسرعة لكنه علمنى الإدارة و التمتع بالحياة...وأشياء أخرى

وفيه ناس طبعا تانية لكن دول أكثرهم تأثيرا فى شخصيتى

شهــــــاب يحيــــى

هو أخى الكبير وليس الأكبر عن كونه يسبقنى 11 شهر فقط ولكنه مثالا يحتذى به إن أردت أن تكون على خلق حسن

إسمه بالكامل: شهـــاب يحيى إمام حامد العقــاد

مواليد: 28 يونيه 1982

هو خريج كلية السياحة والفنادق -جامعة المنوفية - قسم الدراسات السياحية 2003

شهاب هو اللى أقنعنى أدخل كلية السياحة وأشتغل فى مجالها و إزاى أقنع الناس بأهمية السياحة وأهمية شغلى

شهاب تدرب فى شيراتون القاهرة فى المطبخ- إشتغل بفندق ماريوت الجزيرة فى كافيتريا حمام السباحة - انتقل بعدها لشركة سوناتا للسياحة موظف- ثم ميدلاند للسياحة مرافق مجموعات سياحية بفرع طابا- ثم داخل ميدلاند انتقل إلى منظم برامج سياحية

شهاب ده بقة مثال للشاب المنظم اللى يرتب أى حاجة بما فيها طبعا مظهره هو شخصيا

وعليه ذوق فى اللبس بجد مقولوكوش....مهما اللى بيجيبه يبانلك غريب لكن بعدين تلاقيه جامد جدا..لأ وإيه بقة ! نزيه جدا ويحب حاجته غالية و ماركة وعلى فكرة كل ما ببص على هدومى وهدوم شهاب بلاقى الإختلاف واضح...انا بالنسبة له مهمل جدا

ناهيك عن إنه طيب جدا ومؤدب جدا ولا يجيد التعامل مع البشر بتوع اليومين دول اللى عاوزين حد يطلع....وينزل و يلون فى الكلام معاهم

لكن بقة محدش كامل حتى لو كان إسمه كامل ولذلك شهاب بقة أهم عيب فيه العصبية وللأسف بيكبر مش بيتعالج!!!مبيعرفش يمسك نفسه لو إتعصب وده ممكن يكون سبب فى مشاكل كتير بتقابله

إيييييييييييييييييييييييه.......ربنا يديوله بجد لأنه يستاهل كل الخير والنجاح

طولت على نفسى ,صح؟

ياللا....هو الواحد ما بيصدق تجيله فرصة يتكلم شوية

ملاكى إسكندرية

شوف يا أخى السينما لما تحب تعمل فيلم كويس بس بياخد منهم شوية تفكير ويطلع حاجة هايلة: فيلم ملاكى إسكندرية مثلا

بطولة: أحمد عز- غادة عادل- خالد صالح- محمود عبد المغنى- محمد رجب- ريهام عبد الغفور- سامح الصريطى- نور

قصة: وائل عبد الله سيناريو وحوار: محمد حفظى

موسيقى تصويرية فوق الرائعة: العبقرى ياسر عبد الرحمن

إخراج: ساندرا نشأت

الفيلم بيحكى عن محامى كان لعبى وبتوصل متهمة لمكتبه عشان يدافع عنها فى قضيتها اللى متهمة فيها بقتل زوجها المليونير واللى بيتهمها ولاده وبيسيب المكتب بسبب إنه عايز يدافع عنها وصديقه المحامى بيفضل يساعده لحد ما يثبت إن سكرتيرة مكتب المليونير هى القاتل الحقيقى وفعلا بتخرج الزوجة وتتزوج من المحامى إلى أن يكتشف بالصدفة إن الموضوع كله كان تلفيق والقاتل الحقيقي هو أخو زوجة المليونير والزوجة نفسها اللى أصبحت مراته شريكة فى الجريمة والمخطط للعملية هو صديقه المحامى وبالتالى بيبلغ الشرطة عن مراته

فيلم فيه حبكة درامية جميلة وتمثيل رائع واستخدام للمثلين بشكل مختلف ناهيك عن جمال التصوير والموسيقى اللى كملوا فعلا جو الفيلم

يا رب ما نتحرم من الأفلام الجميلة فى السينما الحديثة

انتوا عارفين أنا فى رأيى من 2000 أحلى الأفلام كانت: سهر الليالى - ملاكى إسكندرية - عن العشق و الهوى - تيمور وشفيقة- كده رضا حتى الآن

My Best Friends

If I have the right to speak about friends then I have to start with.....

Osama Ahmed:
the first friend in my life after my brother Shehab and maybe that's why I have to mention him first. He -as I hope- is an engineer who is truelly well risen up and educated and he is the example of the those you have found in them good earth to plant relegion.
maybe I am over-acting when I say I feel jealous when I feel that I'm not his best friend
he is kind, shy-very indeed-,smart and he is a very good actor, at least because he love acting.

Ayman Ahmed:
watch it...they are not brothers but the fathers' names are the same

هتكلم عن أيمن بالعربى لأن أيمن ممكن يحب يقرأ الكلام ده فى يوم....أيمن يعنى الصاحب الوفى...يعنى الطباع المشاكسة الحلوة..يعنى الرجولة لما تعوزها والمعيلة لما تطلبها....هو حر.وأحيانا الواحد لازم يبان عيل

هو بس لو يظبط ويحترم مواعيده كان يبقى ميه ميه...لكن إيه...مفيش حد كامل

بس ارجع وأقول: الكرم أيمن,الأخلاق أيمن,الرجولة أيمن وحاجات حلوة تانية كتير

أيمن على فكرة ليسانس آداب فلسفة من جامعة القاهرة وهو زى مانا شايفه :القائد اللى ماينفعش يكون قائد بس بتمشى...ربنا يوفقه

Words for life:

• everything life touches, is our kingdom (Lion King)
• you can't always get what you want (George Michael)
• don't stop till you get enough (Michael Jackson)
• القوى هو الذى يملك نفسه عند الغضب......منقول من حديث شريف
• لا تمش فى الأرض مرحا إنك لن تخرق الأرض ولن تبلغ الجبال طولا.....قرآن كريم
• إن النفس لأمارة بالسوء......قرآن كريم
• everybody is looking for a happy ending, before the real story even begins (Michael Bolton)
• sometimes the cloth do not make the man (George Michael)
• لا استحق أن يولد من عاش لنفسه فقط......د\طه حسين
• what goes around comes around (Celine Dion)

there are more to come but that what come on my mind now